Ingibjörg Guðjónsdóttir, kórstjóri
Ingibjörg Guðjónsdóttir hóf söngnám við Tónlistarskóla Garðabæjar hjá Snæbjörgu Snæbjarnardóttur og lauk þaðan burtfararprófi árið 1986. Hún stundaði framhaldsnám við IndianaUniversity í Bandaríkjunum en einnig hefur hún notið leiðsagnar Kirsten Buhl-Möller og rúmönsku söngkonunnar Ileanu Cotrubas.
Ingibjörg hefur haldið fjölda einsöngstónleika, tekið þátt í tónlistarhátíðum og verið einsöngvari með sinfóníuhljómsveitum, kammersveitum og kórum, bæði hér á landi og erlendis.
Ingibjörg hefur sungið á íslensku óperusviði; í La Boheme eftir Puccini, Skuggaleik, óperu eftir Karólínu Eiríksdóttur og Farfuglinn, óperu eftir Hilmar Þórðarson, sem var flutt fyrir grunnskólabörn á höfuðborgarsvæðinu. Ingibjörg hefur verið iðin við flutning samtímatónlistar og frumflutt m.a. verk eftir Karólínu Eíríksdóttur, Hauk Tómasson, Þorkel Sigurbjörnsson og Þórð Magnússon.
Um tíma starfaði Ingibjörg í Kaupmannahöfn en auk fjölbreyttra söngverkefna þar í borg, stofnaði hún Íslenska kvennakórinn í Kaupmannahöfn sem hún stjórnaði í tvö ár.
Ingibjörg hefur gefið út tvær geislaplötur; Óperuaríur (2005) með Sinfóníuhljómsveit Íslands, undir stjórn Gerrit Schuil, og Ó Ó Ingibjörg (2007) þar sem hún syngur íslensk sönglög í frumlegum búningi með bræðum sínum, djasstónlistarmönnunum Óskari, saxofónleikara og Ómar, gítarleikari. Ingibjörg er söngkennari við Tónlistarskóla Hafnarfjarðar og stjórnandi Kvennakórs Garðabæjar sem hún stofnaði árið 2000.
Ingibjörg hefur haldið fjölda einsöngstónleika, tekið þátt í tónlistarhátíðum og verið einsöngvari með sinfóníuhljómsveitum, kammersveitum og kórum, bæði hér á landi og erlendis.
Ingibjörg hefur sungið á íslensku óperusviði; í La Boheme eftir Puccini, Skuggaleik, óperu eftir Karólínu Eiríksdóttur og Farfuglinn, óperu eftir Hilmar Þórðarson, sem var flutt fyrir grunnskólabörn á höfuðborgarsvæðinu. Ingibjörg hefur verið iðin við flutning samtímatónlistar og frumflutt m.a. verk eftir Karólínu Eíríksdóttur, Hauk Tómasson, Þorkel Sigurbjörnsson og Þórð Magnússon.
Um tíma starfaði Ingibjörg í Kaupmannahöfn en auk fjölbreyttra söngverkefna þar í borg, stofnaði hún Íslenska kvennakórinn í Kaupmannahöfn sem hún stjórnaði í tvö ár.
Ingibjörg hefur gefið út tvær geislaplötur; Óperuaríur (2005) með Sinfóníuhljómsveit Íslands, undir stjórn Gerrit Schuil, og Ó Ó Ingibjörg (2007) þar sem hún syngur íslensk sönglög í frumlegum búningi með bræðum sínum, djasstónlistarmönnunum Óskari, saxofónleikara og Ómar, gítarleikari. Ingibjörg er söngkennari við Tónlistarskóla Hafnarfjarðar og stjórnandi Kvennakórs Garðabæjar sem hún stofnaði árið 2000.
Sólveig Anna Jónsdóttir, píanóleikari
Sólveig Anna Jónsdóttir hóf píanónám sitt á Ísafirði hjá Ragnari H. Ragnar. Síðar stundaði hún nám við Tónlistarskólann á Akureyri, Tónlistarskólann í Reykjavík og framhaldsnám við University of Houston í Texas.
Meðal kennara hennar voru Philip Jenkins, Halldór Haraldsson og Nancy Weems. Sólveig Anna hefur lengst af haft píanókennslu og meðleik að aðalstarfi. Hún starfar sem aðstoðarskólastjóri Tónlistarskóla Garðabæjar.
Sólveig Anna hefur tekið virkan þátt í tónlistarlífinu meðfram kennslu. Einnig hefur hún starfað með einsöngvurum og kórum, einleikurum og kammerhópum og komið fram á tónleikum hérlendis og erlendis.
Sólveig Anna hefur verið píanóleikari Kvennakórs Garðabæjar frá haustinu 2007.
Meðal kennara hennar voru Philip Jenkins, Halldór Haraldsson og Nancy Weems. Sólveig Anna hefur lengst af haft píanókennslu og meðleik að aðalstarfi. Hún starfar sem aðstoðarskólastjóri Tónlistarskóla Garðabæjar.
Sólveig Anna hefur tekið virkan þátt í tónlistarlífinu meðfram kennslu. Einnig hefur hún starfað með einsöngvurum og kórum, einleikurum og kammerhópum og komið fram á tónleikum hérlendis og erlendis.
Sólveig Anna hefur verið píanóleikari Kvennakórs Garðabæjar frá haustinu 2007.