|
Það ríkir mikil jólastemning á kóræfingum þessa dagana enda undirbúningur í hámarki fyrir aðventutónleika sem verða í Digraneskirkju þriðjudaginn 4. desember kl. 20. Samkvæmt hefð verður boðið upp á heita drykki og jólasmákökur að tónleikum loknum. Forsala aðgöngumiða er hjá kórkonum og á kvennakorgb@gmail.com. Við hlökkum til að eiga með ykkur notalega jólastund í upphafi aðventu. Ljósmynd: Mary Jensen 
0 Comments
Við í Kvennakór Garðabæjar buðum til árlegrar menningardagskrár sem fram fór í safnaðarheimilinu Kirkjuhvoli fimmtudagskvöldið 25. október. Menningardagskrá kórsins er haldin í samstarfi við Menningar- og safnanefnd Garðabæjar og er hluti af samstarfssamningi kórsins við bæinn. Dagskrá kvöldsins var að venju fjölbreytt. Ræðumaður kvöldsins, Eyþór Eðvarðsson, sálfræðingur hjá Þekkingarmiðlun, fræddi gesti um tilurð og merkingar ýmissa orðatiltækja á skemmtilegan hátt. María Magnúsdóttir djasssöngkona og bæjarlistamaður Garðabæjar flutti nokkur lög, m.a. eigin tónsmíðar, við píanóleik Agnars Márs Magnússonar. Nemendur úr Tónlistarskóla Garðabæjar, þau Auður Indriðadóttir á víólu og Guðmundur Steinn Markússon á píanó heilluðu gesti með framúrskarandi spilamennsku sinni. Kvennakór Garðabæjar söng nokkur lög bæði í byrjun og í lok dagskrár undir stjórn Ingibjargar Guðjónsdóttur en píanóleikari var Sólveig Anna Jónsdóttir. Heiða Gunnarsdóttir, formaður kórsins sá um að kynna atriði kvöldsins. Garðbæingar og aðrir velunnarar kórsins fjölmenntu og nutu þess sem boðið var upp á auk ljúffengra veitinga að hætti kórkvenna. Við þökkum þeim fjölmörgu gestum sem mættu kærlega fyrir komuna. 
Seinni tónleikarnir voru haldnir í Christ Church Cathedral í miðborg Vancouver. Það var einstök upplifun að syngja í þessari fallegu og hljómfögru kirkju.
Hér má heyra alla kórana syngja saman Yuuyake (Sunset) eftir Takatomi Nobunaga með texta Toshiko Takada. The massed choirs at Tapestry International Celebration of Women's Choirs 2018 skipa: Elektra Women's Choir (Kanada), Frisches Ei (Japan), Kvennakór Garðabæjar og Vox Femina (Los Angeles).
Stjórnandi er Mariko Miura. Undirbúningur stendur nú sem hæst fyrir Celebration Concert í Christ Church Cathedral í Vancouver
Við höfum eignast 110 nýjar söngsystur í Vancouver. Söngurinn sameinar okkur og vináttan er komin til að vera. Á myndbandinu hér fyrir neðan má sjá hvernig kórarnir fjórir; Elektra (Vancouver), Vox Feminae (Los Angeles), Frisches Ei (Japan) og Kvennakór Garðabæjar koma sér fyrir á sviðinu í Christ Church Cathedral í miðborg Vancouver
Við sungum fyrir fullu húsi í st. St John´s Anglican Church, Shaughnessy í Vancouver
Á myndbandinu hér fyrir neðan syngur kórinn lagið Så tag mit hjerte eftir Michael Bojesen (1960) við texta Tove Ditlevsen. |
|
Kvennakór Garðabæjar
Asparholti 13 225 Álftanesi Iceland |