|
Þessa dagana hríslast sönn gleðitilfinning um kórkonur er Fésbókin minnir á að fjögur ár eru síðan kórinn vann til tvennra verðlauna í kórakeppninni Canta al mar á Spáni. Það ríkir ekki síður mikil gleði nú á haustdögum hjá kórkonum er þær sameinast í söng og æfa öll fallegu jólalögin fyrir aðventutónleikana sem verða 2. og 3. desember. Í fyrra var uppselt. Forsala miða er hafin hjá kórkonum og á netfangi kórsins: kvennakorgb@gmail.com.  Við kórkonur í Kvennakór Garðabæjar erum sannarlega komnar í snemmbúið jólaskap. Undirbúningur fyrir aðventutónleika okkar er hafinn. Að þessu sinni verða tvennir tónleikar þar sem uppselt hefur verið síðast liðin tvö ár og færri komust að en vildu. Fyrri tónleikanir verða mánudagskvöldið 2. desember og þeir seinni þriðjudagskvöldið 3. desember og hefjast kl. 20 í hinni hljómfögru Guðríðarkirkju í Grafarholti. Efnisskrá aðventutónleika okkar er ætíð fjölbreytt þar sem hátíðleiki og léttleiki mætast í jólalögum frá öllum heimshornum. Sérstakir gestir eru hljóðfæraleikararnir Elísabet Waage, hörpuleikari og Sólveig Anna Jónsdóttir, píanóleikari. Hin margrómaða samverustund eftir tónleika verður á sínum stað í hliðarsal kirkjunnar þar sem boðið verður upp á heitt súkkulaði og kruðerí.  Forsala miða er hafinForsala aðgöngumiða er hafin hjá kórkonum og á netfangi kórsins kvennakorgb@gmail.com. Forsöluverð tónleikamiða er 3.000 kr. en miðaverð við innganginn á tónleikadag verður 3.800 kr.  |