|
Við í Kvennakór Garðabæjar erum sannarlega ríkar af vináttu frábærra kvenna. Í kjölfar kórakeppninnar í Barcelona 2015 kynntumst við Anci Hjulström sænskum tónlistarfræðingi, kórstjóra og söng og leikkonu. Anci kom til Íslands fyrir tveimur árum með frábært námskeið og núna endurtókum við leikinn og unnum með henni alla helgina. Vinnan var sannarlega strembin en mjög skemmtileg og gefandi. Anci hvatti okkur til þess að stíga út fyrir þægindaramman okkar og töfraði fram það besta í öllum kórkonunum. Það er gaman að segja frá því að Anci hafði á orði hversu mikinn kærleika og traust hún fyndi í hópnum en eitt af okkar markmiðum er einmitt að byggja upp sterka félagslega heild í kórnum. Þessi helgi á eftir að nýtast kórnum mjög vel í leik og starfi og lagði grunn að enn meira spennandi starfi.  |