|
(English below)
Kvennakór Garðabæjar var formlega lagður niður þann 1. júní síðastliðinn eftir tuttugu ára öflugt starf. Sem stofnandi og stjórnandi kórsins tók ég þá ákvörðun fyrr í vor að kveðja kórinn minn og geng nú sátt frá borði, að loknu góðu og gefandi verki. Margs er að minnast og margt ber að þakka eftir tuttugu ára starf sem alla tíð hefur einkennst af miklum metnaði, sterkri félagslegri heild og dýrmætum vinskap. Sá fjöldi kvenna sem sungið hefur með kórnum um lengri eða skemmri tíma hefur sýnt og sannað, í söng og starfi, hve máttur þeirra er mikill. Öllum þessum konum þakka ég af alhug og óska þeim velfarnaðar. Kórinn hefur frá stofnun staðið fyrir ýmsum menningarviðburðum, m.a. sungið fjölda tónleika, tekið þátt í kóramótum, farið í söngferðir innan lands og utan og hvarvetna vakið aðdáun. Árið 2015 vann kórinn bæði gull- og silfurverðlaun í alþjóðlegri kórakeppni á Spáni. Samstarfssamningur við Garðabæ hefur svo sannarlega verið mikil lyftistöng og hvatning. Kórinn, sem einn af máttarstólpum menningarlífs bæjarins, hefur átt því láni að fagna að fegra mannlífið og bæjarbraginn með söng sínum og starfi. Af því er ég afar stolt, en einnig þakklát og auðmjúk. Garðbæingum og öðrum velunnurum kórsins þakka ég ómælda tryggð í gegnum árin. Kær kveðja, Ingibjörg Guðjónsdóttir Garðabær Women's Choir was formally discontinued on the 1st of June. As the founder and conductor, I decided this spring to say farewell to my choir after a good and rewarding work for twenty years. There are many things to remember and many things to be thankful for. The choir has always been characterized as an ambitious organization with strong unity and valuable friendships. The number of women who have sung with the choir for a longer or shorter period has shown and proved how great their power is. All these women I thank wholeheartedly and wish them all the best. From the beginning, the choir has organized various cultural events and concerts, participated in choir competitions and festivals, and traveled both domestically and abroad on concert tours arousing admiration wherever they went. In 2015, the choir won both gold and silver awards in an international choir competition in Spain. I am particularly proud and grateful that my choir has been one of the pillars of Garðabær's cultural life for the last twenty years. The people of Garðabær and other followers I would like to thank for their unique loyalty and devotion over the years. Sincerely, Ingibjörg Guðjónsdóttir Við eigum afmæli í dag 4. september. Afmælinu okkar verður fagnað vel og lengi eins fljótt og hægt er. Við hlökkum til þess að deila því með ykkur.  Við leitum að metnaðarfullum söngkonum sem hafa áhuga á því að syngja í góðum kór og vinna að spennandi verkefnum í frábærum félagsskap  Það var einstök sumarblíða þegar kórsystur hittust á veitingastaðnum Café Flóru í Grasagarðinum í fyrrakvöld. "Sumarhittingar" hafa verið fastur punktur í kórstarfinu til fjölda ára og þó flestir landsmenn séu á faraldsfæti á þessum árstíma láta þær kórkonur sem eru í bænum þessa samverustund ekki fram hjá sér fara. Oftast er hittst á kaffihúsum en einnig eru stuttar göngurferðir vinsælar. Vegna Covid og þess ástands sem nú ríkir í þjóðfélaginu hafa sumarhittingar haft enn meiri þýðingu fyrir kórkonur, sérstaklega þar sem kóræfingar hafa legið niðri síðan í mars sl. Það ríkir því mikil tilhlökkun fyrir komandi starfsári en kórinn fagnar tuttugu ára afmæli sínu á hausti komandi.  Það voru kátar kórkonur sem mættu í "plokkið" í gærkveldi. Þessa dagana stendur Garðabær fyrir hreinsunarátak og létu kórkonur ekki sitt eftir liggja við að fegra og hreinsa bæinn á þurrum en örlítið köldum vordegi.  Við í kvennakór Garðabæjar erum mjög stoltar af kórstjóranum okkar enda ærin ástæða til. Hún er vakin og sofin yfir kórnum okkar og á tímum samkomubanns slær hún ekki slöku við í vinnu fyrir kórinn heima við á milli þess sem hún gleður okkur og aðra með þessum dásamlega söng. Á þessum fordæmalausu tímum söknum við kórsystur kóræfinga okkar, tónlistar og yndislegrar vináttu. Megi hið hlýja hópknús okkar ylja landsmönnum öllum  Menningardagskrá okkar í Kvennakór Garðabæjar, Þorravaka, var haldin í gærkveldi í safnaðarsal Vídalínskirkju í samstarfi við Menningar- og safnanefnd Garðabæjar. Kórinn þakkar öllum þeim góðu gestum sem mættu fyrir komuna, þrátt fyrir einstaklega slæma veðurspá. Dagskráin var fjölbreytt að vanda þar sem tal og tónar réðu ríkjum. Bæjarlistamaður Garðabæjar Bjarni M. Bjarnason, rithöfundur gaf gestum innsýn inn í skáldaheim sinn og nýtt áhugavert ritverk. Tvö glæsileg atriði frá Tónlistarskóla Garðabæjar gáfu tóninn um hið öfluga starf sem þar er innt af hendi. Hópur tólf saxófónnemenda og nemendi í djasspíanóleik heilluðu salinn sem flutningi sínum. Framkvæmdastjórinn, Guðrún Högnadóttir, fræddi gesti um "ómeðvitaða hlutdrægni" á einstaklega skemmtilegan hátt og fékk salinn með sér í léttar spurningar sem vöktu kátínu. Kvennakór Garðabæjar flutti nokkur lög í upphafi og enda dagskrárinnar en lagavalið einkenndist að mest af vor- og sumarlögum sem yljuðu gestum á annars þessu vindasama og kalda vetrarkvöldi.  |